Надзейны абаронца

Дата: 2 ноября 2018 в 22:59

322 просмотра

На сённяшні дзень няма такога чалавека, хто не чуў пра Аўтаномны пажарны апавяшчальнік. Пра тое, што ён з'яўляецца адным з найбольш эфектыўных сродкаў па папярэджанні гібелі людзей ад пажараў у жылых дамах і кватэрах, ведаюць нават дзеці.

Абсалютная большасць пажараў - 85 адсоткаў ад агульнай колькасці - адбываецца ў жыллі. Пры гэтым гібель людзей у такіх НС таксама адбываецца менавіта ў жылых дамах.
Ужо доўгі час у большасці краін існуе абавязковае нарматыўнае патрабаванне па абсталяванні жылых памяшканняў у дамах і кватэрах апавяшчальнікамі. Яны павінны ўсталёўвацца на столі (сцяне) у кожным жылым пакоі, як правіла, у сярэдзіне памяшкання, але не бліжэй за 10 см ад сцяны (столі).
Нельга недаацэньваць значэнне прыбора. Ён адрэагуе нават на слабую канцэнтрацыю дыму ў паветры незалежна ад таго, дзе знаходзіцца крыніца агню, унутры дома або пранікае звонку праз уваходныя дзверы і вокны. АПА пастаянна кантралюе канцэнтрацыю дыму ў памяшканні і, калі яна перавышае крытычны паказчык, падае пранізлівы магутны гукавы сігнал, пачуць які можа не толькі чалавек, які спіць, але і яго суседзі.
Сам прыбор не патрабуе спецыяльных навыкаў і дадатковых выдаткаў пры эксплуатацыі. Рэкамендуецца раз у год чысціць пажарны апавяшчальнік ад пылу пры дапамозе пыласоса і кожны месяц правяраць яго працаздольнасць, націскаючы на тэставую кнопку. Ён павінен пішчаць каля 5-10 секунд. Перарывісты сігнал святлодыёда чырвонага колеру, размешчаны на корпусе апавяшчальніка, таксама сведчыць аб яго спраўнасці і знаходжанні у дзяжурным рэжыме працы. Працуе ад батарэйкі тыпу «Крона». Набыць АПА можна ў гандлёвай сетцы, а таксама філіяле РДГА «БДПО» па адрасе г. Петрыкаў, вул. Бумажкова, 66.
Як паказваюць праверкі жылога фонду, часцяком апавяшчальнікі ўсталяваныя, але не працуюць, так як жыхары забыліся своечасова замяніць батарэйку. Менавіта па такім сцэнарыі ў ноч на 17 кастрычніка адбылася трагедыя ў вёсцы Ханчыцы Свіслацкага раёна. Пры пажары ў кватэры загінуў 44-гадовы мужчына. У пакоі, дзе яго выявілі, меўся апавяшчальнік, аднак, у ім адсутнічала батарэйка.
А ў вёсцы Кушляны Смаргонскага раёна ў верасні бягучага года, дзякуючы таму, што спрацавалі АПА пры пажары частага дома ўратавалася шматдзетная сям'я, якая выхоўвае шасцярых дзяцей. Гэта яшчэ адзін прыклад неабходнасці ўстаноўкі гэтых прыбораў. Такія ж прыклады зафіксаваныя і ў нашым раёне. За апошнія дзесяць гадоў у Беларусі дзякуючы АПА выратаваны тысячы жыццяў. І гэта далёка не ўсе выпадкі станоўчай спрацоўкі прыбораў, бо не пра кожны факт, калі ён не пацягнуў сур'ёзных наступстваў, становіцца вядома ў МНС.
Статыстыка паказвае, што больш за 50% пажараў з гібеллю людзей адбываецца менавіта ў той момант, калі чалавек спіць. У сне ён не адчувае паху дыму і таму найбольш безабаронны. Своечасова выявіць загаранне і тым самым прадухіліць пажар, гібель людзей і матэрыяльны ўрон можна ўсталяваўшы ў кватэры аўтаномны пажарны апавяшчальнік

Все новости

Комментарии:

Оставлять комментарии могут только авторизованные посетители.