Аўтаномны пажарны апавяшчальнік ратуе жыццё

Дата: 19 июня 2020 в 13:03
Автор: Хамец В. В.
132 просмотра

Штогод у Беларусі аўтаномныя пажарныя апавяшчальнікі ратуюць жыццё дзясяткам чалавек, у тым ліку і дзяцей. І хоць у кожнага выратаванага свая гісторыя, іх аб'ядноўвае адно: людзям, якія трапілі ў бяду, удалося зберагчы самае дарагое - уласнае жыццё і жыцці сваіх дамачадцаў.

Станоўчыя спрацоўкі АПА ужо зарэгістраваныя і ў гэтым годзе (даведачна: 14.06.2020 паступіла паведамленне пра пажар прыватнага жылога дома ў в. Хворостяны Славгародскага раёна. У выніку спрацоўкі аўтаномнага пажарнага апавяшчальніка да прыбыцця падраздзяленняў МНС выратаваны 8 чалавек (з іх 5 дзяцей), якія самастойна пакінулі дом праз акно).

         Вельмі часта парады, якія спецыялісты даюць для прафілактыкі надзвычайных сітуацый, напрыклад, пра карысць АПА, расцэньваюцца намі як «сумная інструкцыя», у якой маюць патрэбу дрэнназабяспечаныя, малаадукаваныя, адзінокія і іншыя катэгорыі групы насельніцтва.

Ужо даўно ў многіх перадавых краінах існуе абавязковае нарматыўнае патрабаванне па абсталяванні жылых памяшканняў аўтаномнымі пажарнымі апавяшчальнікамі. Напрыклад, у 60-х гадах мінулага стагоддзя пасля шматлікіх пажараў 38 амерыканскіх штатаў прынялі законы пра аўтаномныя пажарныя апавяшчальнікі і абавязалі ўсталёўваць іх ва ўсіх селішчах. Дзякуючы гэтаму гібель людзей знізілася на 50 адсоткаў. Сёння яны ўстаноўлены ў 93 працэнтах дамоў ЗША і 85 працэнтах дамоў Вялікабрытаніі, 100 працэнтах - у Канадзе. Аналагічныя законы былі прынятыя ў Аўстраліі, Эстоніі, Францыі і іншых краінах. Упэўненымі крокамі ў гэтым кірунку рухаецца і Рэспубліка Беларусь, згодна з нормамі пажарнай бяспекі з 2007 года ўсе жылыя памяшканнi неабходна абсталяваць аўтаномнымі пажарнымі апавяшчальнікамі. Пры выкарыстанні аўтаномных пажарных павялічваецца шанец на выратаванне ўласнага жыцця і жыццяў сваіх родных, а таксама зніжаецца матэрыяльны ўрон.

Аўтаномны пажарны апавяшчальнік - прылада, прызначанае для своечасовай падачы сігналу трывогі ў выпадку ўзнікнення пажару. На сёння АПА з'яўляецца адным з найбольш эфектыўных сродкаў па папярэджанні гібелі людзей ад пажараў. Прыборы рэагуюць на дым на ранняй стадыі узгарання і здольныя гукавым сігналам трывогі своечасова папярэдзіць жыхароў пра пагрозу пажару.
Все новости
Комментарии:
Оставлять комментарии могут только авторизованные посетители.